Rapò 2020 sou rezilta Ekip Peyi Nasyonzini a an Ayiti

Rapò Ekip Peyi Nasyonzini (EPNU) sa a prezante prensipal rezilta ki rive jwenn pandan lane 2020 an, selon angajman ki te pran nan Kad Estratejik Entegre (KEE) Nasyonzini a an Ayiti.

KEE a, ki te demare nan kòmansman lane 2020 a, antann bay jefò Ekip Peyi Nasyonzini a ak Biwo Entegre Nasyonzini a an Ayiti (BINUH) ap fè ansanm yo priyorite sou baz Kad Devlopman Dirab 2017-2021. Li mete aksan sou kòz estriktirèl ak sistemik  defisit devlopman yo, ak yon konsantrasyon sou chèche enpak. Objetif KEE a, ki òganize otou sis objektif estrateji, konsantre sou chèche mennen chanjman pwofon – ansanm ak chèche enpak nan kout, mwayen ak lon tèm – pou enfliyanse sik kriz ak chok ki ap plede ale tounen yo, epi apiye ak entansifye jefò Repiblik Ayiti a ap fè pou reyalize Ajanda 2030 la. Sa vle di KEE a se yon enstriman ki kreye pou pwomosyon inite, pwogramasyon ki mete ansanm, ak jefò sible diferan ajans yo, reskonsabilite mityèl, efikasite ak efisyans andedan sistèm la pou apiye jefò nasyonal pou devlopman.