Nations Unies Haiti

Nasyonzini An Ayiti

En 1950, deux pavillons sont installés avec l'aide des Nations Unies lors de l'exposition internationale organisée par le gouvernement haïtien et commémorant le 200e anniversaire de la fondation de la capitale haïtienne.
Foto: © UN Photo

Ayiti se yon manm fondatè Òganizasyon Nasyonzini depi 1945. Nan lane 1948, Ayiti te jwe yon wòl enpòtan nan ekri Deklarasyon Inivèsèl Dwa Moun (DIDM) lan. Senatè Emile Saint-Lot te rapòtè Komite Redaksyon DIDM lan nan epòk sa a. Ayiti se youn nan premye peyi ki te rantre nan UNESCO depi 1946. Youn nan premye kolaborasyon Ayiti ak Nasyonzini te rive fèt nan lane 1947, pou pi presi ak UNESCO, nan kad yon inisyativ pou edikasyon nan kominote Mabyal ak Lafon nan Jakmèl. Aprè premye kolaborasyon sa a, vin genyen pi plis patenarya ant Nasyonzini ak Ayiti. An 2020, genyen 19 ajans, fon ak pwogram, ak Biwo Entegre Nasyonzini a an Ayiti (BINUH) ki fè pati fanmi Nasyonzini a nan peyi D Ayiti.

Gwo Reyalizasyon

1

EDIKASYON: To timoun ki lekòl soti 47 % nan lane 1993 rive 84 % nan lane 2017.

2

SANTE: Ant 2000 ak 2017, to mòtalite timoun ki gen mwens pase 5 an redwi 3%. To mòtalite fanm redwi 40% ant 2006 ak 2017. Anplis, nan yon peryòd 8 lane vin genyen 4 fwa plis moun sewopozitif k ap swiv tretman.

3

EGALITE ANT FANM AK GASON: Pousantaj fanm k ap patisipe nan pran desizyon pou tèt yo ak pou fanmi yo ap ogmante, soti 53% nan lane 2006 rive 69% nan lane 2017. Depi lane 2000, gen menm kantite ti gason ak tifi ki lekòl ni primè ni segondè. 

4

DLO AK ASENISMAN: Pousantaj popilasyon an ki gen aksè ak dlo potab soti 58% rive 73% ant lane 2015 ak lane 2018; pousantaj popilasyon an ki gen aksè ak asenisman soti 18% nan lane 1990 rive 33% nan lane 2016. Gen yon diminisyon 99.5% ka kolera depi 2010. Nan dènye trimès 2022, kolera retounen. Plizyè ajans Nasyonzini sou teren an pou anpeche ka yo ogmante.

5

REZILYANS, JESYON RIS AK DEZAS AK ANVIWONNMAN: Inisyativ tankou lwa sou Sistèn Nasyon Jesyon Risk ak Dezas (SNGRD), plan adaptasyon ak chanjman klimatik, Sèvis Idwometewolojik Nasyonal/Sant Metewoloji, zòn pwoteje, ak Fon Palmantè kont grangou vin ranfòse sektè a.  

6

Sekirite ak tranzisyon pou rive gen yon prezans Nasyonzini san se pa pou kenbe lapè. Polis Nasyonal D Ayiti (PNH) la ranfòse pandan dènye ane sa yo, nan mwa septanm lane 2018 la, li te genyen 14 911 polisye pami yo 1 483 polisye fanm. Nan kontèks sa a, Konsèy Sekirite a ap prepare tranzisyon pou rive gen yon prezans Nasyonzini an Ayiti san se pa pou kenbe lapè.

1 / 6

Objektif devlopman dirab yo nan Ayiti

Objektif devlopman dirab (ODD) yo, ki se objektif global, se yon envitasyon inivèsèl pou mennen aksyon pou elimine lamizè, pwoteje planèt la epi garanti tout pèp sou latè ap viv nan lapè ak nan pwosperite. Se menm objektif sa a Nasyonzini genyen an Ayiti tou.