Ekip nu nan Ayiti

02 jiyè 2025, Sekretè jeneral Nasyonzini an, António Guterres, anonse li nome Carlos G. Ruiz Massieu, ki soti Meksik, nan pòs Reprezantan espesyal Sekretè jeneral epi Chèf Biwo Entegre Nasyonzini an Ayiti (BINUH). Sekretè jeneral la remèsye María Isabel Salvador, ki soti Ekwatè, pou devouman l ak sèvis li yo, pandan l te okipe pòs sila anvan M. Massieu.

Nan pòs sila, M. Ruiz Massieu charye vini plis pase 30 lane eksperyans nan fonksyon piblik ak diplomasi, nan nivo bilateral ak miltilateral. Kòm Reprezantan espesyal Sekretè jeneral nan peyi Kolonbi depi lane 2019, li te dirije Misyon verifikasyon Nasyonzini yo nan Kolonbi, kote li t ap swiv kijan Akò Lapè a t ap konkretize ant Gouvènman kolonbyen an ak geriya "Fòs ame revolisyonè Kolonbi an-Lame pèp la" (FARC-EP). Li te montre kapasite l pou l fasilite dyalòg epi li te montre lidèchip politik li nan pwosesis dyalòg pou lapè ant Gouvènman kolonbyen an ak Lame liberasyon nasyonal, ansanm ak lòt gwoup ame ilegal. Avan misyon sa a, li te prezidan Komite konsiltatif Asanble jeneral la pou zafè administratif ak bidjè soti 2013 pou rive 2018.

M. Ruiz Massieu gen yon pakou rekoni nan diplomasi. Li te okipe plizyè pòs nan gouvènman peyi Meksik anvan l te vin travay pou Nasyonzini. Li te nan Misyon pèmanant peyi Meksik nan Nasyonzini. M. Ruiz Massieu gen yon diplòm nan dwa li te fè nan Inivèsite ibewo-amerikèn nan Meksiko, e li gen yon metriz nan syans politik nan Inivèsite Esèks, Wayòm-Ini, ak yon espesyalizasyon sou Amerik latin. Apre espanyòl, li pale anglè ak fransè.

Madan/Doktè Nicole Boni Kouassi gen plis pase 25 lane eksperyans pwofesyonèl nan nivo entènasyonal, sitou an Afrik nan peyi ki gen diferan kontèks devlòpman.

Anvan yo te nonmen li nan mwa oktòb 2025 kòm Reprezantant espesyal annapre Sekretè Jeneral pou BINUH, Kòdonatris rezidant ak Kòdonatris imanitè Nasyonzini an Ayiti, li te okipe depi mwa septanm 2022 pòs Reprezantant rezidant PNUD nan peyi Nijè. Pandan peryòd sa a, li te tou jwe wòl Kòdonatris rezidant ak imanitè pwovizwa pandan yon ane.

Madan/Doktè Nicole Boni Kouassi te okipe tou fonksyon Reprezantant rezidant PNUD nan peyi Burundi, ansanm ak pòs Adjwen Reprezantan rezidant nan peyi Nijè ak Djibouti. Anvan sa, li te travay nan PNUD nan New York, peyi Etazini ak nan peyi Nijerya, epi nan ONUSIDA Kotdivwa.

Kòm yon lidè estratejik ki demontre kapasite pou kowòdone politik ak pwogram devlòpman, imanitè ak transfòmasyon nan nivo santral ak desantralize, Madan/Doktè Nicole Boni Kouassi se yon sitwayen ivoryen. Li gen yon doktora nan medsin ak yon metriz nan sante piblik nan Inivèsite Johns Hopkins Ozetazini. Li metrize lang fransè ak anglè trè byen.

Anne-Lucie Lefebvre jwenn nominasyon kòm Direktris peyi pou Ayiti apati 1ye jiyè 2024.

Madam Lefebvre, ki se sitwayèn Kanadyèn e ki gen fòmasyon nan syans politik, te antre nan Bank Mondyal an 2009 kòm espesyalis senyò nan sektè piblik (Sr. Public Sector Specialist) nan VPU Lafrik la, ki baze Washington, apre li te fè karyè li nan Gouvènman Kanada epi li te gen kèk eksperyans kout nan Pwogram Alimantè Mondyal la (WFP) ak nan òganizasyon ki non-gouvènmantal entènasyonal (INGO). Apre sa, li te okipe pozisyon espesyalis senyò nan sektè piblik nan plizyè peyi, tankou Mozanbik, Madagaska ak Mawòk. Dènye afektasyon li se te kòm Reprezantan Rezidan Bank Mondyal pou Gine-Bisao nan Afrik Lwès.

Mesye Royer se Reprezantan HCDH an Ayiti depi mwa septanm 2021.

Li konsakre karyè pwofesyonèl li nan Nasyonzini nan domèn dwa moun ak prevansyon konfli. Depi 2008, li ap travay nan misyon lapè Nasyonzini yo.

Mesye Royer te Adjwen Direktè Divizyon Dwa Moun nan MINUSMA nan Mali ant 2015 ak 2018. Li te okipe menm fonksyon yo nan Soudan di Sid, nan kad MINUSS, ant 2018 ak 2021. Li te sèvi tou kòm Konseye Dwa Moun bò kote Komisè Polis MINUSTAH an Ayiti, yon pòs li te okipe ant 2010 ak 2012.

Dabagai Dabagai fèt nan peyi Kameroun kote li te grandi. Li te etidye nan inivèsite nan Yaoundé, Aix‑en‑Provence ak Brussels ant 2002 ak 2009, kote li te jwenn yon metriz nan Filozofi Klasik, yon metriz nan Dwa Moun ak Aksyon Imanitè, ansanm ak yon metriz nan Dwa ak Aksyon Imanitè.

An 2009, li te kòmanse angaje li nan aksyon imanitè ak premye pòs li nan peyi Tchad avèk Médecins sans Frontières. Nan ane ki vin apre yo, Dabagai te patisipe aktivman nan sipò aksyon imanitè ak devlopman pou operasyon Action contre la Faim nan Moritani, nan Liberya pandan epidemi Ebola a (2014–2015), ak nan Repiblik Santafrikèn pandan kriz septanm 2015 la. Li te travay tou sou repons pou kriz nan basen Lak Tchad la.

Depi mwa dawout 2017, Dabagai te retounen nan Tchad kòm Direktris peyi pandan de (2) ane, anvan li te pran direksyon biwo Action contre la Faim yo nan Mali ak Nijerya jiska septanm 2022.

Pandan tout ane sa yo, Dabagai te angaje anpil nan kestyon etik ak nan jesyon sekirite travayè yo nan anviwònman imanitè. Li se tou yon moun ki renmen li liv literati polisye anpil.

Nan mwa novanm 2022, Dabagai te nonmen kòm Direktris biwo UNOPS an Ayiti.

Depi 1ye janvye 2026, Mesye David ÁLAMOS se Chèf Biwo Pwogram Biwo Nasyonzini kont Dwòg ak Krim (ONUDC) an Ayiti.

Mesye ÁLAMOS se yon avoka espayòl ki espesyalize nan dwa kriminèl. Li gen anpil eksperyans nan refòm jistis, jistis penal, prevansyon teworis ak konba kont krim òganize. Li genyen tou yon diplòm avanse nan administrasyon biznis, epi li te dirije konsepsyon ak jesyon pwogram asistans teknik pou ranfòse kapasite Leta manm Nasyonzini yo nan nivo nasyonal, rejyonal ak entènasyonal.

Depi 2004, Mesye ÁLAMOS ap travay nan sistèm Nasyonzini an, kote li te sèvi nan Otrich, Kolonbi, Itali, Katar ak Swis. Li te okipe plizyè gwo pozisyon, tankou Chèf Biwo Pwogram sou angajman palmantè nan prevansyon ak konba teworis nan Biwo Nasyonzini pou Lutte kont Teworis (UNOCT); Chèf Prevansyon Krim ak Jistis, ansanm ak Ekspè nan prevansyon teworis pou Amerik Latin ak Karayib la nan ONUDC; epi Konseye legal nan Enstiti Entèrejyonal Nasyonzini pou Rechèch sou Kriminalite ak Jistis (UNICRI). Anvan li te rantre nan Nasyonzini, li te travay ak Komisyon Ewopeyen an, Anbasad Espay nan Otrich, ak nan sektè prive.

Mesye ÁLAMOS pale panyòl ak anglè, epi li gen bon konesans franse, alman ak italyen. Li marye e li papa de pitit.

Eric Voli Bi (Kòt d’Ivwa) te nonmen kòm Chèf Biwo UNESCO nan Pòtoprens ak Reprezantan UNESCO an Ayiti depi 1ye oktòb 2024.

Soti 10 fevriye 2021 pou rive 30 septanm 2024, Mesye Voli Bi te dirije Biwo UNESCO nan Libreville (Gabon) kòm Chèf Biwo ak Reprezantan UNESCO nan Gabon. Lè manda li te fini, yo te leve li nan grad Kòmandè nan Lòd Nasyonal Edikasyon Gabonè. Distenksyon onorifik sa a, ki te bay pou rekonèt travay Biwo UNESCO nan Libreville te fè, Mesye Voli Bi te resevwa li nan non Òganizasyon an.

Mesye Voli Bi gen yon lisans kòm Enspektè Komèsyal nan Enstiti Nasyonal Siperyè Teknik Komèsyal (Gwoup INTCS) nan Abidjan (Kòt d’Ivwa), li te jwenn li an 1999. Li genyen tou yon metriz nan Jeni Komèsyal, ak opsyon nan Finans, nan menm enstitisyon an, li te jwenn li an 2001.

Karyè li nan UNESCO te kòmanse an 2004 nan Sèvis Evalyasyon ak Odit. An 2008, yo te nonmen li Oditè Entèn Asosye. Soti 2009 pou rive 2014, li te sèvi kòm Kowòdonatè Egzekitif nan Biwo Kowòdinasyon Inite sou teren yo.
Li te kontinye okipe pòs Responsab Resous Imèn nan Biwo Jesyon Resous Imèn ant 2014 ak 2015, apre sa li te vin Espesyalis Pwogram (P‑4) nan Seksyon pou Priyorite Afrik ak Relasyon Ekstèn.

Soti 2016 pou rive 2019, Mesye Voli Bi te tou manm Komite Odit Fon Pansyon Pèsonèl Nasyonzini an.

Ant 2017 ak 2023, li te responsab jere Pri Félix Houphouët‑Boigny – UNESCO pou Rechèch Lapè, ki te onore sitou ansyen Chanselye Almay Angela Merkel, Giusi Nicolini (ansyen majistra Lampedusa) ak SOS Méditerranée, ansanm ak Premye Minis peyi Etyopi Abiy Ahmed. Nan kad fonksyon sa a, li te travay ansanm ak ansyen Chèf Leta tankou François Hollande ak Henri Konan Bédié, ansyen Prezidan Liberya Ellen Johnson Sirleaf, ansanm ak Loreya Pri Nobèl Lapè Denis Mukwege, nan kalite yo kòm manm jiri entènasyonal pri a.

Fabrice Leclercq gen yon diplòm Lisans nan Administrasyon Biznis nan Inivèsite Lyèj, Bèljik, epi yon Mastè nan jesyon responsab touris nan Inivèsite Metwopoliten Lids, Wayòm Ini. Li se sitwayen Bèlj, li pale kat lang trè byen, epi li gen bon konesans nan lang kreyòl ayisyen.

Fabrice gen yon karyè entènasyonal prèske karant lane, pami tan sa a, li pase anviwon 20 lane ap travay nan plizyè ajans Nasyonzini. Li devlope yon ekspètiz teknik ki chita sou twa pilye: domèn travay ak devlòpman antrepriz, komès entènasyonal, epi touris.

Li te Reprezantan Òganizasyon Entènasyonal Travay (OIT) an Ayiti ant mwa me 2018 ak desanm 2022, epi li reprann fonksyon sa a ankò depi janvye 2026. An menm tan, li okipe fonksyon Konseye Teknik Prensipal epi li se jesyonè plizyè pwojè koperasyon teknik an Ayiti, pami yo yon gwo pwojè ki rele P.R.O.F.I.T. (Pwojè pou Ranfòsman Opòtinite Agrikòl atravè Fòmasyon ak Envestisman Teknolojik).

Pwojè sa a vize devlope chèn valè agrikòl ki gen gwo potansyèl, tankou kakawo ak lam veritab, pou benefis plizyè milye ti pwodiktè riral nan depatman Grandans, Ayiti. Gras ak komèsyalizasyon pwodwi yo sou mache nasyonal la ak pou ekspòtasyon, pwojè a gen pou objektif kreye djòb vèt ki desan epi amelyore kondisyon lavi ti pwodiktè riral yo pou lontan.

Gabriel Gualano de Godoy genyen anviwon 20 lane experyans imanitè an Ewòp, Amerik, Karayib ak Afrik. Li se aktyèl Chèf Biwo nasyonal Wo Komisarya Nasyonzini pou Refijye yo nan Pòtoprens, Ayiti.

Anvan sa, li te Reprezantan HCR (sig an fransè) nan Masedwàn Dinò (2023–2025), epi li te Chèf misyon nan Repiblik Dominikèn (2018–2023). Epitou, li kowòdone ekip pwoteksyon HCR nan peyi Meksik, epi okipe plizyò lòt pòs ki gen rapò ak pwoteksyon nan peyi Brezil, Ougannda ak nan Kostarika.

Gabriel gen yon doktora nan dwa, epi li espesyalize nan teyori ak filozofi dwa, nan Inivèsite Leta nan Rio de Janeiro (UERJ), nan peyi Brezil. Li gen tou yon mastè nan dwa, antwopoloji ak sosyete nan London School of Economics and Political Science (LSE), nan Wayòm Ini. Li gen tou yon lisans nan dwa li pran nan Inivèsite federal Parana (UFPR) nan peyi Brezil. Li se yon avoka ki enskri nan bawo distri federal nan Brezil.

Geeta Narayan, yon ekspè ki gen renome entènasyonal, vini nan UNICEF Ayiti nan mwa sektanm 2024. Gras ak plis pase ven lane eksperyans nan òganizasyon sila a, li gen yon ekspètiz san parèy nan zafè planifikasyon estratejik, kontwòl ak evalyasyon epi devlòpman pwogram. Avan sa, Geeta te jwe yon wòl kle nan ranfòse kilti òganizasyonèl UNICEF nan tout monn lan nan fè pwomosyon pou divèsite ak enklizyon. Angajman l pou dwa timoun te rive mennen l nan plizyè peyi kote l te travay san kanpe pou amelyore lavi sila ki pi vilnerab yo.

Avan li vin nan pòs sa, Geeta te konseye prensipal nan kilti òganizasyonèl pou UNICEF nan Nouyòk depi mwa jen 2019. Misyon l yo te mennen l tou nan Nouyòk soti 2001 pou rive 2004, nan peyi Vyètnam 2007 jiska 2010, nan peyi Afrikdisid 2010 pou rive 2012, nan peyi Jòdani 2012 rive 2016 ak Bosni Èzegovin soti lane 2016 pou bout nan mwa jen 2019.

Mesye Grégoire Goodstein se Chèf Misyon OIM an Ayiti depi 28 jen 2024.

Li te rantre nan Òganizasyon Entènasyonal pou Migrasyon (OIM) an 2000 kòm Chèf Misyon nan Kowasi (2000-2006), apre sa nan Sèbi (2006-2012), an Ayiti (2012-2016), epi li te Chèf divizyon relasyon ak donatè nan biwo santral OIM (2017-2023). Li te travay nan plizyè kontèks kriz ak aprè kriz, sitou ak « Action Contre la Faim » soti 1992 rive 1996 nan Somali, Sid Soudan, Sierra Leone, Burundi ak ansyen Yougoslavi, epi ak Louis Berger Ltd nan Filipin (1999-2000). Travay li te konsantre sou sekirite alimantè, refòm nan sektè sekirite ak jesyon migrasyon.

Li gen yon metriz nan politik sosyal ak planifikasyon pou peyi an devlopman nan London School of Economics ak yon diplòm lisans nan devlopman agrikòl entènasyonal nan University of California – Davis.

Li se yon sitwayen fransè.

Se nan lane 2022 Marie Goretti Nduwayo pran pòs nan ONIFANM an Ayiti. Li te entegre sistèm Nasyonzini an nan lane 1998 nan UNIFEM (ki vin tounen ONIFANM jodiya) ki te deside louvri yon biwo nan peyi Burundi pou te sipòte espesyalman kowòdinasyon Nasyonzini sou kesyon egalite jan ak otonomizasyon fanm ak patisipasyon yo nan negosyasyon lapè ak jesyon pwosesis ki tabli apre konfli yo eklate.

Depi lè sa a, Marie Goretti te okipe plizyè gwo fonksyon sòti nan Direktris pwogram peyi ki kouvri Burundi ak Komò jiska 2008, pase nan Reprezantant peyi pou Kamewoun (apati 2008) ak Kotdivwa (apati 2017). Nan 2 dènye peyi sa yo, li te reyisi akonpaye yo pou enplemante politik nasyonal ki pran an konsiderasyon kesyon jan, travay sou sitiyasyon fanm deplase ak rapatriye yo pou yo tounen nan zòn kote yo soti. Li te rive ede divès ministè yo fè evalyasyon ak odit aspè jan nan fonksyònman yo.

Marie Goretti vin an Ayiti apre li pase 4 lane kòm chèf lyezon ONIFANM anndan Inyon Afrikèn (UA) ak nan Komisyon Ekonomik pou Afrik (ECA), kote li t ap kowòdone inisyativ nan kontinan an ki konsène fanm ak tifi, tankou ajannda sekirite ak lapè fanm, lidèship politik feminen, jan nan aksyon imanitè. Marie Goretti te okipe tou plizyè gwo fonksyon entènasyonal pou yon ti bout tan. Dènye a se Reprezantant peyi pou Etyopi.

Anvan li te rantre nan Nasyonzini, Marie Goretti te premye kowòdonatris yon òganizasyon fanm nan Bouwonndi: Umbrella of Burundi women Organization; li te okipe wòl sa a apre li te reprezante lajenès peyi Bouwonndi nan katryèm konferans mondyal sou fanm, lapè ak devlòpman ki te fèt Bejin, nan peyi Lachin nan lane 1995. Marie Goretti kòmanse karyè pwofesyonèl li kòm chèf ekip teknik nan yon pwogram fòmasyon pou fanm UN Habita te genyen pou ede yo konstwi kay yo.

Marie Goretti Nduwayo gen yon metriz jeni nan Planifikasyon iben, ak plizyè sètifika nan jan ak devlòpman, jan ak lidèchip, jan ak gouvènans, jan, lapè ak sekirite ak anpil lòt ankò. Li se manman kat pitit ki genyen 29, 27, 25 ak 21 lane. Li pale anglè ak fransè. Li pale swayili ak kirundi ki se lang matènèl li.

Doktè Traore Modibo fèt 11 janvye 1967 nan peyi Mali. Li se nouvo chèf biwo OCHA nan peyi Dayiti. Soti lane 2008 pou rive 2024, li te chèf biwo nan peyi Nijè (de fwa), li te chèf biwo tou nan Zimbabwe, Kotdivwa ak Kamewoun.

Doktè Traore te travay ak OCHA nan plizyè biwo teren ki chita kò yo nan pati lès Repiblik Demokratik Kongo soti lane 2008 pou rive 2013. Li genyen plis pase 20 lane eksperyans pwofesyonèl nan Nasyonzini. Anvan li te rantre nan Òganizasyon entènasyonal sa a,li te travay nan diferan ONG entènasyonal nan peyi Kongo, Bouwoundi, Soudandisid, Somali ak nan peyi Lafrans soti lane 1997 pou rive 2002. Li te nan diferan pòs antanke doktè, kowòdinatè sante ak nitrisyon nan ONG Aksyon kont lafen epi li te direktè peyi pou yon ONG Britanik ki rele Children Aid Direct.

Doktè Traore genyen plis pase 25 lane eksperyans nan asistans imanitè, rekiperasyon, ak konsolidasyon lapè an Afrik. Li genyen yon ekspètiz nan sante piblik, yon doktora nan medsin jeneral, yon diplòm nan medsin twopikal li fè nan enstiti medsin twopikal vil Anvè (nan peyi Bèljik), li genyen tou yon mastè nan sante piblik Inivèsite lib Briksèl. Doktè Traore pibliye yon seri travay sou nitrisyon, sante manman ak pitit ak nan kadyoloji. Li se yon sitwayen peyi Mali ak Bèljik.

Óscar Barreneche, ki se sitwayen Kolonbyen, te jwenn diplòm li kòm Doktè nan Medsin ak Chiriji nan Pontificia Universidad Javeriana, nan Bogotá, Kolonbi. Li genyen yon Mèt nan Politik Sante, Planifikasyon ak Finansman nan London School of Hygiene and Tropical Medicine (LSHTM) ansanm ak London School of Economics (LSE), nan Lond, Angletè. Dr Barreneche te resevwa tou fòmasyon konplemantè nan swen pou popilasyon ki nan sitiyasyon prekè, jesyon sante ak lidèchip, epidemyoloji teren ak medsin twopikal nan òganizasyon Doctors Without Borders, Kolèj Nasyonzini ak Inivèsite Paris V nan Pari, Lafrans.

Nan domèn pwofesyonèl, li te sèvi kòm doktè volontè pou Doctors Without Borders nan Ouganda ak Kambòdj, epi li te Konseye pou Òganizasyon Mondyal Lasante (OMS) sou kestyon sekirite transfizyon san, VIH/SIDA ak enfeksyon ki transmèt seksyèlman (ITS), ijans ak pandemi, ansanm ak politik sante, nan Kambòdj, Myanma (Birmani), Endonezi, Liberya ak Timò-Lès. Depi 2016, Dr Barreneche te rantre nan ekip Òganizasyon Panameriken Lasante (OPS/PAHO) kòm Reprezantan nan Gwatemala. Nan mwa novanm 2021, li te nonmen kòm Reprezantan OPS/OMS nan Ekwatè. Kounye a, li se Reprezantan OPS/OMS an Ayiti depi mwa oktòb 2023.

Dr Barreneche se yon pwofesyonèl sante ki, pandan tout karyè li, te konsakre lavi pwofesyonèl ak pèsonèl li nan sèvis popilasyon ki pi vilnerab yo nan peyi kote li te travay, ak yon atansyon espesyal pou refijye, popilasyon endijèn ak kominote LGBTI. Lit kont VIH/SIDA ak planifikasyon ak devlopman politik sante yo se pami sijè ki pasyone Dr Barreneche anpil. Li genyen tou yon gwo eksperyans nan mobilizasyon resous pou finansman pwogram sante.

Mesye Vauthier, ki se yon sitwayen fransè, gen yon metriz nan Jeni Agrikòl ansanm ak yon lisans nan Agronomi li te jwenn nan Lekòl Nasyonal Siperyè Agronomi nan Toulouz, an Frans.

Mesye Vauthier te antre nan Katye Jeneral FAO a nan lavil Wòm, Itali, an 2001 kòm yon agwo-ekonomis. An 2002, li te travay kòm analis pwojè nan Katye Jeneral FAO a nan Wòm, kote li te bay ekspètiz espesyalize pou sipòte plizyè rejyon, sitou nan Afrik de Lwès, Maghreb, Ewòp de Lès ak Azi Santral.

Soti 2005 pou rive 2006, li te sèvi kòm Responsab Pwogram sou teren nan biwo FAO a nan Rumbek, nan Sid Soudan. Ant 2007 ak 2012, li te reskonsab planifikasyon ak sekirite alimantè nan biwo FAO a nan Kinshasa, nan Repiblik Demokratik Kongo. An 2012, li te responsab rejyonal pou rediksyon risk ak katastwòf nan biwo FAO a nan Johannesburg, nan Lafrik di Sid. Soti 2013 pou rive 2015, li te travay kòm Responsab Pwogram ak Operasyon nan Biwo Rejyonal pou Lafrik (RAF) nan Accra, Gana, epi li te an chaj repons ijans nan biwo FAO a nan Bangui, nan Repiblik Santafrikèn.

An 2016, li te pran fonksyon kòm Responsab Entèvansyon Ijans nan biwo FAO a nan Addis Abeba, nan peyi Etyopi. Soti 2017 pou rive 2019, li te sèvi kòm Adjwen Reprezantan FAO nan Juba, nan Sid Soudan. Ant 2019 ak fevriye 2022, li te okipe pòs Reprezantan FAO a aji epi Adjwen Reprezantan FAO a nan Bamako, Mali. Depi mas 2022, li ap sèvi kòm Chèf Biwo Peyi FAO a nan Kiev, nan Ikrèn.

Mesye Vauthier ap ranplase Mesye Fernandez Filgueiras kòm Reprezantan FAO an Ayiti.

Mesye Samir Anouti se yon espesyalis ki rekonèt nan domèn sante piblik ak devlopman entènasyonal, avèk plis pase 22 ane eksperyans nan òganizasyon Nasyonzini yo. Depi 1ye oktòb 2024, li okipe pòs Reprezantan Rezidan Fon Nasyonzini pou Popilasyon (UNFPA) an Ayiti.

Mesye Anouti se manm Asosyasyon Kanadyen pou Sante Piblik, ansanm ak Asosyasyon Sante Piblik Kebèk.

Pandan karyè li, li te okipe plizyè gwo pozisyon lidèchip nan òganizasyon entènasyonal nan domèn sante piblik ak devlopman. Soti 2022 rive 2024, li te sèvi kòm Reprezantan Rezidan UNFPA nan Tripoli, Libi. Anvan sa, soti 2016 rive 2022, li te Konseye Rejyonal nan Biwo Rejyonal UNFPA pou peyi Arab yo, nan Kaire, peyi Lejip.

Ant 2008 ak 2016, Mesye Anouti te Konseye Rejyonal pou UNICEF nan Biwo Rejyonal pou Mwayen Oryan ak Afrik Dinò, ki chita nan Amman, Jordani. Pi bonè nan karyè li, li te Manadjè Pòtfolyo Rejyonal pou Fon Mondyal nan Òganizasyon Mondyal Lasante (OMS) nan Jenèv, Swis (2007–2008). Soti 2003 rive 2007, li te Konseye Rejyonal nan Pwogram Nasyonzini sou VIH/SIDA (ONUSIDA) nan Kaire, peyi Lejip, epi soti 2002 rive 2003, li te Kowòdonatè Rejyonal nan Pwogram Nasyonzini pou Devlopman (PNUD) nan vil Djibouti, Djibouti.

Mesye Anouti gen yon metriz nan Sante Piblik li te jwenn nan American University of Beirut (1995–1997), kote li te deja fè lisans li nan menm domèn nan (1992–1995). Fòmasyon akademik li ba li yon gwo konpetans nan sistèm sante ak politik piblik nan sante.

Apre li te sèvi pandan senk mwa kòm Reprezantan Rezidan Enterimè nan Pwogram Devlopman Nasyonzini (PNUD) an Ayiti, Mesye Xavier Michon te ofisyèlman nonmen Reprezantan Rezidan an avril 2024.

Anvan li te pran misyon li an Ayiti, Xavier Michon te okipe pòs Sekretè Egzekitif Adjwen nan United Nations Capital Development Fund (UNCDF), sèl antite Nasyonzini ki gen yon manda pou envestisman ak kapasite pou bay prè ak garanti bay antite piblik ak prive nan peyi ki pi pòv yo. Pandan manda li nan UNCDF, li te elaji anpil aktivite envestisman enpak òganizasyon an, sa ki te fè resous ak pèsonèl mondyal yo triple.

Xavier Michon gen nasyonalite fransè ak bolivyen. Li gen yon karyè byen long nan PNUD anvan li te rantre nan UNCDF. Li te okipe plizyè pozisyon lidèchip, tankou Direktè Peyi nan Burundi ak Gwatemala, Reprezantan Rezidan Adjwen nan Pewou, epi li te travay nan biwo santral la nan New York, kote li te kolabore ak Biwo Rejyonal pou Amerik Latin ak Karayib la, ansanm ak pou Ewòp ak Kominote Eta Endepandan yo kòm Konsiltan Pwogram. Anvan li te antre nan PNUD, li te travay kòm Ofisye Jesyon Pwojè nan Divizyon Pwogram pou Lafrik ak Anviwònman nan United Nations Office for Project Services (UNOPS). Li te genyen tou eksperyans kòm Koutye Derive Finansye nan Iberagentes / Crédit Lyonnais Securities nan Espay, epi kòm Responsab nan Chanm Komès Franco-Dominiken, kote li te ankouraje opòtinite biznis ak envestisman nan Repiblik Dominikèn.

Li gen yon metriz nan Zafè Entènasyonal nan School of International and Public Affairs (SIPA) nan Columbia University nan New York, epi yon metriz nan Jesyon Biznis nan Institut Supérieur de Gestion (ISG) nan Pari. Li pale trè byen fransè, anglè, panyòl ak italyen, epi li gen konesans bazik nan lang pòtigè.

Yuki Takemoto se nouvo Direktris Peyi ONUSIDA pou Ayiti. Li charye plis pase venn-senk lane eksperyans nan domèn koperasyon pou devlòpman, kote li te dirije politik, pwogram ak patenarya estratejik sou sante, egalite ant sèks yo ak dwa moun nan plizyè ajans Nasyonzini (PNUD, UNESCO, ONUSIDA) epi nan mekanis kowòdinasyon ant ajans Nasyonzini yo nan Azi-Pasifik, Amerik Latin ak Jenèv, Swis.

Li te deja sèvi kòm Direktris Peyi ONUSIDA pou Pakistan ak Afganistan (2021–2024), epi pou Gwatemala (2024–2025). Yuki te travay tou pou Ministè Afè Etranjè Japon an ak Fon Mondyal pou Konbat SIDA, tibèkilòz ak malarya.

Li gen yon metriz nan Politik Piblik ak yon Lisans nan Dwa