Soti nan plizyè vilnerabilite rive nan rezilyans ak pwosperite: Yon apèl Ayiti lanse

Ki jan Ayiti ka rive kreye pwosperite epi asire yon demen miyò nan plis sekirite pou popilasyon li a pandanstan peyi a ap konfwonte yon pakèt ak yon bann defi sosyal, politik ak imanitè?  Se kesyon sa a plizyè reprezantan gouvènman an, Nasyonzini, sektè prive a, enstitisyon akademik, sosyete sivil la ak lòt òganizasyon entènasyonal ak lokal te debat nan Pòtoprens ki se kapital Ayiti. Reyinyon sa a te fèt anvan konferans 46 peyi mwen avanse (PMA) yo, pamilèkèl Ayiti, ki pwal fèt nan Doha, nan Qatar, soti 23 rive 27 janvye 2022.

Se Kowòdonatè Rezidan Nasyonzini a an Ayiti Mesye Bruno Lemarquis, ak Minis Komès ak Endistri a S.E.M. Ricardin Saint-Jean, ki te louvri evenman sa a ki te pote tit « Soti nan plizyè vilnerabilite rive nan rezilyans ak pwosperite an Ayiti » e ki te fèt nan dat 6 oktòb 2021 nan kad 15èm konferans CNUCED la sou Komès ak Devlopman. Se te yon dyalòg miltipatit sou chimen pwosperite an Ayiti ki te reyini 50 patisipan fanm ak gason ki te prezan nan Lotèl Montana nan Pòtoprens ak apeprè 150 lòt patisipan pa entènèt.