Figi redrèsman: fanm yo pi “vilnerab” apre yon tranbleman tè
Istwa sa a soti nan seri "Figi Redrèsman" ki rakonte kijan Ayisyen, Nasyonzini ak patnè yo te reponn tranblemanntè Out 2021 la.
Taina Camy ap travay sou pwoblèm vyolans seksis pou agence ONI ki okipe zafè popilasyon an, UNFPA, e li te pami premye moun ki tap ede fanm ak tifi vilnerab tou swit apre tranbleman tè a.
“Touswit apre tranbleman tè a, UNFPA bay kèk fanm ki pèdi kay yo ak travay yo bagay tankou lanp solèy ak kit lijyèn; se te yon sitiyasyon ijans. Koulye a, de mwa apre tranbleman tè a, nou fè anpil pwogrè e nou kapab ofri fanm ak tifi ki nan malsite plis sèvis, espesyalman nan lokalite yo.
Medam sa yo pi vilnerab toujou apre yon tranbleman tè, paske yo pa lakay yo ankò, yo ap viv nan mitan moun yo pa konnen e yo pa gen aksè ak sèvis de baz tankou kote pou yo benyen ak fè bezwen yo. Sa difisil pou tande istwa koshma fanm ki sibi abi seksyèl. Mwen pale ak yon timanmi 89 lane yon gwoup jenn gason vyole, ni tou ak manman yon tifi 3 lane yo te vyole tou.
Vyolans kont fanm, se pa reskonsablite enstitisyon nou yo sèlman, se responsabilite chak grenn sitoyen tou. E mwen kwè nou bezwen yon ti lòsyè imanite nan tan difisil sa yo.
Antite LONI ki ap patisipe nan inisyativ sa a
Objektif nou ap sipòte ak inisyativ sa a
