Figi redrèsman: Lespwa nan yon “lavi miyò”
Istwa sa a soti nan seri "Figi Redrèsman" ki rakonte kijan Ayisyen, Nasyonzini ak patnè yo te reponn tranblemanntè Out 2021 la.
Marie Myrlène Théolien se yon enfimyè nan lopital LESPWA ki ap resevwa èd LONI nan Jeremi, nan Grandans. Li di li gen espwa tranbleman tè a, ki lakòz anpil dega nan kote li te fèt la, ap bay moun motivasyon pou yo kreye yon “lavi miyò”.
“Trambleman tè 14 dawout la lakòz anpil dega nan sid peyi a; pwòp kay pa m la andomaje grav. Tankou anpil lòt moun isit la, mwen detèmine pou m rekonstwi epi redemare apre dezas sila a. Fòk nou asire nou nou pare pi byen pou mwens moun mouri si kalte evenman sa yo ta rive ankò demen. Fòk nou asire nou tou pèp nou a an sante, se pou sa nou bezwen plis èd.
Kidonk, mwen ap kontinye travay enfimyè mwen a, e m ap konsantre sou ankouraje moun pran vaksen kont KOVID-19: m’ap esplike moun yo poukisa li sitèlman enpòtan pou nou pwoteje. Malerezman, anpil nan yo pa vle kwè viris la ekziste tout bon.
Nou pèdi anpil bagay nan tranbleman tè a; men mwen gen espwa pèt sa yo va ede nou vanse pou nou reyalize pi bèl bagay toujou. Mwen kwè nan yon demen miyò, men pou sa nou bezwen èd”.
Antite LONI ki ap patisipe nan inisyativ sa a
Objektif nou ap sipòte ak inisyativ sa a
