Ayiti: UNICEF garanti aksè ak dlo potab pou plizyè milye moun ki deplase nan Pòtoprens

Depi lè atak yo byen planifye ap paralize zòn metwopolitèn Pòtoprens lan, an Ayiti, Fon Nasyonzini pou Timoun (UNICEF) te ogmante efò pou distribiye dlo potab bay plizyè dizèn milye moun ki te deplase akoz vyolans gang ki ap ogmante.

UNICEF, ansanm ak Direksyon Nasyonal Dlo ak Asenisman ansanm  ak patnè li yo, te bay apeprè 2,66 milyon lit dlo pou plis pase 30,000 timoun ak fanmi yo ki te deplase e ki gaye nan 20 sant ki la pou moun ki deplase yo nan vil la.

Yon kriz imanitè k ap vin pi grav

Èd yo rive menmsi kriz imanitè a vin pi grav an Ayiti. Preparasyon k ap fèt pou gen yon misyon sipò sekirite miltinasyonal yo toujou sou pye.

Konsèy Sekirite Nasyonzini an te apwouve misyon sa a, Kenya dakò dirije l, sa gen sèt mwa pou sipòte polis nasyonal ayisyen an. Nou swete misyon an genyen anviwon 2,500 ofisye polis k ap soti Kenya ak plizyè lòt peyi, tankou Benen, Chad, Jamayik, Babad, Bahamas ak Bengladèch.

Dènye ogmante vyolans gwoup ame yo ogamante a te vin rèd epi agrave sitiyasyon timoun yo ak fanmi yo ann Ayiti ki te deja pat bon. Pifò zòn nan  kapital la ap naje anba yon vyolans ekstrèm, sa vin agrave pi plis toujou anpil defi fanmi ak timoun ki manke sipò ak lòt bagay yo dwe fè fas. Sitiyasyon an vin pi grav ak sezon lapli a, ki lakòz gwo inondasyon nan kèk zòn nan Pòtoprens epi  ka kolera yo retounen parèt nan komin Site Solèy.

Selon Ruben Um Bayiha, Chèf Pwogram Dlo,Asenisman ak ijyèn, UNICEF, li deklare: "San dlo potab bon jan kalite ak enstalasyon asenisman ak ijyèn adekwat, timoun ki deplase yo ekspoze a maladi ki soti nan dlo yo, sitou a yon epidemi kolera toupatou.”

Anviwònman enstab

“Viv nan yon anviwonman enstab konsa mete sou ensekirite a se tankou chak jou w ap navige nan yon zòn ki gen lagè. Malgre defi sa yo, UNICEF ak patnè li yo ap fè plis efò pou pwoteje timoun yo ak fanmi yo epi ba yo sipò vital yo vrèman bezwen,” li te fè deklarasyon sa a nan yon kominike laprès.

UNICEF k ap dirije repons nan kesyon dlo, asenisman ak ijyèn (WASH), bay plis pase 50% èd jeneral, asirans sèvis dlo potab, asenisman ak sèvis ijyèn nan tout zòn ki gen deplase yo. Inisyativ yo gten ladan l transpòte dlo  a nan kamyon, trete dlo tiyo, repare sitèn oubyen basen rezèvwa yo, konstwi latrin tanporè, bay atik ijyèn esansyèl ak difizyon mesaj ijyèn.

Pandan tout mwa mas, efò WASH UNICEF yo te bay rezilta enpòtan, ak plis pase 2.66 milyon lit dlo trete yo distribye bay fanmi ak timoun ki te deplase yo. Efò kolaborasyon sa a ak patnè tankou Solidarités Internationales, ORRAH ak ACTED te asire ke bezwen esansyèl yo satisfè, menm nan sikonstans ki pi difisil yo.

Bwat Ijyèn

Anplis de sa, UNICEF ak patnè li yo te distribye bwat ijyèn bay prèske 11,000 moun ki deplase ale nan sis sant. UNICEF te bay priyorite tou ak amelyorasyon kondisyon asenisman nan sant ki gen gwo risk, san wete elimine epi jete ak prekosyon apeprè 78 m3 labouki gen twalèt  ki soti nan twa sant ki gen anviwon 7,000 moun.

Pi devan, UNICEF di l ap kontinye rete "angaje l pou satisfè bezwen popilasyon vilnerab yo k ap chanje, sitou nan moman zòn lan ap prepare pou pwochen sezon siklòn lan." 

"Kriz sa a pral vin pi mal amwenske yo bay yon bèl repons an ijans. UNICEF mande pou gen finansman ki fleksib sa k ap pèmèt repons rapid, adaptab e ki vitab i a bezwen ki pi ijan nan popilasyon ki afekte yo,” Ruben Um Bayiha te mete aksan sou sa.

An 2024, UNICEFgen objektif pou l rive jwenn 884,000 moun atravè peyi Ayiti ki gen bonjan aksè ak ase dlo ak bon jan kalite dlo pou bwè ak pou fè travay nan kay, 176,400 moun rive gen aksè ak bon sèvis asenisman apwopriye epi 884,000 moun rive benefisye founiti esansyèl WASH yo.